Staan põrttraajjmõʹšše da jeeʹres sääʹmkulttuur âʹlnnââʹnnem investâsttmõõžžid
Nuõrttsäʹmmlõʹžžen vuäitak ooccâd staan sääʹmvuuʹdest sâjjeei põrtt- leʹbe täällraajâlm raajjmõʹšše, vuâđđteevvmõʹšše leʹbe põõrt šuurummša. Tuʹst lij vueiʹtlvažvuõtt ooccâd staan še jieʹllempirrõõzz pueʹreem diõtt leʹbe äʹrbbvuõttpirrõõzz seeiltem diõtt põrttraajjâminvestâʹsttem õhttvuõđâst.
Vuäitak vuäǯǯad staan še kueʹllšeeʹllemkeâmp de tõõzz kuulli sääuʹn da seeiltempääiʹǩ raajjmõʹšše, vuâđđteevvmõʹšše leʹbe ǩeâmp šuuʹreem diõtt. Vuâmmaš, štõ kueʹllšeeʹllemǩeâmp raajjmõš õõlǥat Meäʹcchalltõõzz lååʹv.
Tååim nääiʹt
Ooʒʒ staan Lappi ELY -kõõskõõzzâst ouddâl investâʹsttem alttummuš lomaakkin nââmar 570. Staan vuäitt ooccâd kuäʹss täättas.
Ǩiõttʼtõõllâp ooccmõõžžid staanpooddin;
- 16.1.–15.4.
- 16.4.–15.6.
- 16.6.–15.9.
- 16.9.–15.1.
Ouddmiârkkân jõs kuâđak ooccmõõžž ELY -kõõskõʹsse 15.4. mõõneeʹst, vuäǯǯak ooccmõʹšše tuʹmmstõõǥǥ 15.6. mõõneeʹst.
Siâzztõõllâp altteed investâsttmõõžž eman miõttum staantuʹmmstõõǥǥ mâŋŋa. Jõs alttääk põrttraajjmõõžž ouddâl miõttum staantuʹmmstõõǥǥ jiijjad riiskin da vuäǯǯak investâsttmõʹšše mâʹŋŋlubust ǩiõldlaž teäggtemtuʹmmstõõǥǥ, jiõk vueiʹt vuäǯǯad staan teänab alttuum investâsttmõʹšše.
Lââʹssteâđ:
- äʹrttelšurr Inka Ahonen, Lappi ELY-kõõskõs, teʹl. 0295 037 096, neʹttpååʹšt: ouddnõmm.sooǥǥnõ[email protected]
