Ealáhus-, johtolat –ja birasguovddáš

Ealáhus-, johtolat –ja birasguovddážat (EBI-guovddážat,  suomagillii. ELY) dikšot stáhtahálddahusa guovlolaš doibmiibidjan- ja ovddidanbargguid.

EBI-guovddážat leat 15. Guovddážiid bargun lea ovddidit guovllu gilvalannávcca, veahkadaga buresveadjima ja ceavzilis gárggiideami ja goahcat dálkkádatnuppástusa.

EBI-guovddážiin leat golbma vástusuorggi

• Ealáhusat, bargofápmu, máhttin ja kultuvra
• Johtolat ja infrastruktuvra   
• Biras ja luondduresurssat.

Ealáhus-, johtolat ja birasguovddážat stivrejit ja gozihit bargo- ja ealáhusdoaimmahagaid (BE-doaimmahagaid, suomagillii TE-doaimmahagat) barggu. Buot guovddážat eai divššo buot golmma vástusuorggi áššiid, guovddážat sáhttet bargat guhtet guimmiideaset ovddas. 

Golmma vástusuorggi EBI-guovddážat : Sápmi (Lappi), Davvi-Nuortabađaeana, Mátta-Nuortabađaeana, Gaska-Suopma, Pirkanmaa, Fásta-Suopma, Uusimaa, Davvi-Sávo ja Máttanuorte-Suopma

Guovtti vástusuorggi EBI-guovddážat: (Ealáhusat, bargofápmu, máhtolašvuohta ja kulturvástusuorgi ja Biras ja luondduresurssat-vástuosuorgi): Häme, Gáinnuideana, Davvi-Gárjil ja Mátta-Sávo

Ovtta vástusuorggi EBI-guovddážat: (Ealáhusat, bargofápmu, máhtolašvuohta ja kultur-vástusuorgi) : Nuortabađaeana ja Satakunta  

Ealáhus-, johtolat- ja birasguovddážat gullet bargo- ja ealáhusministeriija hálddahussuorggi vuollái. Guovddážiid doaimma stivrejit bargo- ja ealáhusministeriija lassin birasministeriija, johtolat- ja diehtojuohkinministeriija, eana- ja meahccedoalloministeriija, oahpahus- ja kulturministeriija ja sisáššiidministeriija.