Nuõrttsääʹmääʹšš

Nuõrttsääʹmvoudda kuulli Čeʹvetjäuʹrr- Njauddâm da Njeäʹllem- Keväjäuʹrr- sijddvuuʹd Aanar kååʹddest.

Sääʹmvuuʹdest jeälsteeʹjen nuõrttsäʹmmlõʹžžen vuäitak ooccâd staan ouddmiârkkân jeäʹlstem- leʹbe täällpõõrt raajjmõʹšše. Tuʹst lij še vueiʹtlvažvuõtt vuäʹstted valdia mädd põõrt raajjâm leʹbe uʹccpõõrǥâståimmam diõtt.

Nuõrttsäʹmmlõʹžžen tuʹst lij vuõiggâdvuõtt sääʹmlääʹjj meâldlaž ouddõõzzid sääʹmvuuʹdest sâjjeei valdia mädd- da čääʹccvuuʹdin. Kõõjj lââʹss Meäʹcchalltõõzzâst.

Jeäʹrbuž ouddõõzz:

Nuõrttsaaʹmi aaʹšši håiddmõš

Nuõrttsaaʹmi õhttsaž aaʹšši håiddmõõžžâst pueʹtti kuulid koʹrvvee Makera vaaʹrin mädd- da meäʹcctäällministeria juõʹǩǩ eeʹjj raʹvvjem jäänmõsmeäʹrin. Veäʹǩǩteäʹǧǧ lij meäʹrruum saaʹmi ouddoummu da piisar päʹlǩǩ- da mäʹtǩǩ-kuulid de sääʹmsuåvtõõzz mäʹtǩǩ-kuulid da jeeʹres taarblaid kuulid.

Kääzzkõs-staan puõttlâʹstte sääʹmkulttuur oouʹdummšen Sääʹmkultturfoond tåimmʼmõšše. Mieʹrrtieʹǧǧ vueiʹtte ââʹnned Sääʹmkultturfoond päʹlǩǩ- da sosiaalkuulid, mäʹtǩǩ-, aazzam- da peiʹvvtieʹǧǧid, koontârkuulid de ǩiiddõs âʹlnn ââʹnnemkuulid. Mädd- da meäʹcctäällministeria raʹvvai juõʹǩǩ eeʹjj  ââʹnnemnalla åårrai mieʹrrtieʹǧǧ. Veäʹǩǩtieʹǧǧ meâʹtte Makera pääiʹǩ.