Nuõrttsääʹmääʹšš

Nuõrttsääʹmvoudda kuulli Čeʹvetjäuʹrr- Njauddâm da Njeäʹllem- Keväjäuʹrr- sijddvuuʹd Aanar kååʹddest.

Sääʹmvuuʹdest jeälsteeʹjen nuõrttsäʹmmlõʹžžen vuäitak ooccâd staan ouddmiârkkân jeäʹlstem- leʹbe täällpõõrt raajjmõʹšše. Tuʹst lij še vueiʹtlvažvuõtt vuäʹstted valdia mädd põõrt raajjâm leʹbe uʹccpõõrǥâståimmam diõtt.

Nuõrttsäʹmmlõʹžžen tuʹst lij vuõiggâdvuõtt sääʹmlääʹjj meâldlaž ouddõõzzid sääʹmvuuʹdest sâjjeei valdia mädd- da čääʹccvuuʹdin. Kõõjj lââʹss Meäʹcchalltõõzzâst.

Jeäʹrbuž ouddõõzz:

Luõvtemlååʹv

Leäk -a jorddam kaaupšed, sǩiâŋkkad, jueʹǩǩed, vaajted leʹbe våurrad luåvtemrääjtõõzz vuâllsaž pääiʹǩ leʹbe pieʹǩǩ tõʹst? Taarbšak pääiʹǩ luõvtummša Lappi ELY -kõõskõõzz lååʹv. Jõs jiõk ooʒʒ luõvtemlååʹv, lääʹjj nuäʹjest luõvtummuš lij kuddteʹmes.

Jõs jiõk leäkku snäätnas, lij-a tuu vuäʹmstem päiʹǩǩ luõvtemrääʹjtõõzzi vuâllsaž, tääʹrǩest käunnai-a rääʹjtem-meärkkõs ǩiiddõõzz ǩiddeemtuõđštõõzzâst leʹbe ǩiiddõsrekistervälddõõǥǥâst. Mââimõzzân vuäitak raʹvvjed ääʹšš Lappi ELY -kõõskõõzzâst.

Sääʹmtääl luõvtemlååʹpp ooccmõš

Raaj ǩeerjlaž pååđai ǩeeʹrjtum luõvtemlååʹppooccmõš. Vuäitak äuʹǩǩeed haaʹleʹmmen seeid looppâst åårrai ooccâmlomaakk. Õhttad luõvtemlååʹppooccmõšše ouddkauppǩeeʹrj, sǩiâŋkk -ǩeeʹrj, jueʹǩǩemsuåppmõõžž, äʹrbbjueʹǩǩemǩeeʹrj leʹbe jeeʹres ǩiiddõõzz luõvtemǩeeʹrj, koʹst puäʹtte õlmmsa veäʹr luõvtummša.

Jõs ääiǥak kaaupšed sääʹmtääl leʹbe tõn vueʹss, leša tuʹst ij leäkku teâđast vuäʹstti, seʹlvved ouddâl lååʹppooccmõõžž tuʹmmjem vuâlla piijjmõõžž vueiʹtlvaid vuäʹsttemeʹtǩǩeeʹjid saaʹmi pirrsest. Tuejjed nääiʹt:

  • Iʹlmmet kaaupšemhaaʹlummšest ǩeerjlõʹžžen leʹbe njäälmlõʹžžen Aanar kååʹdd mäddvuʹvddjieʹllemvueʹǩǩveʹrǧǧnekka da saaʹmi ouddooumže.
  • Čõõđat pääiʹǩ kaaupšemiʹlmmtõõzz pääiklažgaʹzaaʹtest (Inarilainen) da/leʹbe õõlmâs neeʹttest. Peäggat iʹlmmtõõzzâst, što kauppân åårrai päiʹǩǩ lij sääʹmtääll leʹbe tõn vueʹss.
  • Õhttad kopio gaʹzaaʹtest čõõđtum kaaupšemiʹlmmtõõzzâst luõvtemlååʹppooccmõʹšše.

Tååimat luõvtemlååʹppooccmõõžž Lappi Ely -kõõskõʹsse leʹbe Aanar kååʹdd mäddvuʹvddjieʹllemvueʹǩǩveʹrǧǧnekka. Kååʹdd mäddvuʹvddjieʹllemvueʹǩǩveʹrǧǧneǩ tååimat ooccmõõžž ciâlklmin ELY -kõõskõʹsse. Raukkâp ooccmõõžžâst ciâlkâlm taarbšeʹmmen še sääʹmsuåvtõõzzâst.

Ooccâmlomakk:

Kääzzkõõzz hâʹdd

Luõvtemlååʹv ǩiõttʼtõõllâm-mähss lij 80 euʹrred eeʹǩǩen 2025. Määusast vuõlttee mâʹŋŋlubust jeäʹrbuž laask. 

Lââʹssteâđ
  • Lääʹǩǩooumaž Tarja Loukusa, Lappi ELY-kõõskõs, teʹl.  0295 037 179
  • Kååʹdd mäddvuʹvddjieʹllemvueʹǩǩveʹrǧǧneǩ