Nuõrttsääʹmääʹšš

Nuõrttsääʹmvoudda kuulli Čeʹvetjäuʹrr- Njauddâm da Njeäʹllem- Keväjäuʹrr- sijddvuuʹd Aanar kååʹddest.

Sääʹmvuuʹdest jeälsteeʹjen nuõrttsäʹmmlõʹžžen vuäitak ooccâd staan ouddmiârkkân jeäʹlstem- leʹbe täällpõõrt raajjmõʹšše. Tuʹst lij še vueiʹtlvažvuõtt vuäʹstted valdia mädd põõrt raajjâm leʹbe uʹccpõõrǥâståimmam diõtt.

Nuõrttsäʹmmlõʹžžen tuʹst lij vuõiggâdvuõtt sääʹmlääʹjj meâldlaž ouddõõzzid sääʹmvuuʹdest sâjjeei valdia mädd- da čääʹccvuuʹdin. Kõõjj lââʹss Meäʹcchalltõõzzâst.

Jeäʹrbuž ouddõõzz:

Määdd vuästtmõš

Sääʹmmvuuʹdest jeälsteeʹjen nuõrttsäʹmmlõʹžžen tuʹst lij vueiʹtlvažvuõtt vuäʹstted valdia määdd vuõss-sâjjsõʹžžen põõrt raajjâm diõtt.

Keväjääuʹrest liâ vaʹrrjum sääʹmlääʹjj meâldlaž õõlǥtõõzzid vaalmâš põrttsââʹjj, koin liâ kååddlažtekniikk valmmšen. Lââʹssen Meäʹcchalltõs lij karttääm vuuʹdid, koin mieʹrrvuuʹd luõvtummuš lij vueiʹtlvaž.

Määdd vuäǯǯam kuõskki määin

Valdia määdd vuäǯǯam diõtt, âlgg teâudded puõʹtti määin:

  • Leäk nuõrttsäʹmmlaž.
  • Jeälstak põõššinalla sääʹmvuuʹdest  .
  • Leäk 18–49-ekksaž ǥu leäk kueʹđđmen mäddvuäǯǯamooccmõõžž.  Ââʹǩǩrääiʹjest vueiʹtte pueʹtted vuâstta jeäʹrbuž veäʹrest jäänmõssân 55 eeʹjj räjja. 
  • Jiijjad da pieʹllkueiʹm puåđõõzz da jeeʹres jieʹllemjeällmõõžžid väʹldde lokku. Õhttu jeälsteeʹjen tiuddâkksõʹžžen eeʹǩǩpuåđõõzz vueiʹtte leeʹd jäänmõssân 42 600 euʹrred. Pieʹllkueiʹmin õʹhtte laʹsǩǩuum eeʹǩǩpuåđõõzz vueiʹtte leeʹd jäänmõssân 55 900 euʹrred. Jõs piârrja koʹlle päärna, lââʹzzte eeʹǩǩpuåđõsraajj 2100 euʹrred juõʹǩǩka vuâlla 18 -ekksaž päärna puõtt.

Tååim nääiʹt

Ǥu leäk plaaneʹmmen põõrt raajjmõõžž da taarbšak tõõzz määdd, vääʹld õhttvuõđ Lappi ELY -kõõskõʹsse leʹbe Aanar kååʹdd mäddvuʹvddjieʹllemvueʹǩǩveʹrǧǧnekka.

Ǥu suåvlaž põrttsââʹjj lij käunnʼjam, teâud mäddvuäǯǯamooccmõõžž. Looǥǥ lomaakk vuäʹpsid da teâud ooccmõš tääʹrǩeld. Tääʹrǩest ouddâl ooccmõõžž kuâđđmõõžž, što teâudak sääʹmlääʹjj meâldlaid määdd vuäǯǯam kuõskki määinaid. Čiõlǥat mäddvuäǯǯamooccmõõžžâst da tõn meâlddõõzzin vuâđđaaʹššid põrttsââʹjj vuäǯǯam diõtt da arvvlâʹst tuõđâs taarb vuʹvddšõrradvuõđ määiʹnest.  Kaaupšem mäddvuuʹd šorradvuõtt vuäitt leeʹd jäänmõssân vitt hehtaar. Takainalla kaaupšem mäddvuuʹd šorradvuõtt lij leämmaš 0,2 - 2 hehtaar.

Kueʹđ mäddvuäǯǯamooccmõõžž meâlddõõzzineez Aanar kååʹdd mäddvuʹvddjieʹllemvueʹǩǩveʹrǧǧnekka. Mäddvuʹvddjieʹllemvueʹǩǩveʹrǧǧneǩ oudd ooccmõõžžâst ciâlkâlm da tååimat ooccmõõžž õõutsââʹjest čiâlkmin Lappi ELY -kõõskõʹsse.

Ooccâmlomakk teâuddemnalla word -lomaakkân:

Ooccmõõžž ǩiõttʼtõõllmõõžž ouddnummuš

Ooccmõõžž puättmõš ǩiõttʼtõõllmõʹšše Lappi ELY -kõõskõs arvvlâstt teâudd-a ooccmõš mäddvuäǯǯam määinaid. Taarbšeʹmmen räuʹǩǩe ciâlkâlm Sääʹmsuåvtõõzzâst.

Jõs ooʒʒak määdd  

  • Keväjääuʹr vaalmâš kååddlažtekniikk siiʹsǩeem põrttsõõʹjin da mäddvuäǯǯam määin teâuddje, raajjâp mäddkaaupšummuš kuõskki tuʹmmstõõǥǥ.
  • Meäʹcchalltõõzz vaaldšummšest åårrai vuuʹdest, ooccmõõžž ǩiõttʼtõõllmõš lij määŋgmäʹttsab; Mäddvuäǯǯam määinai teâuddjeʹmmen, saǥstâʹlle taarbšeʹmmen Meäʹcchalltõõzzin ooccâm mieʹrrvuuʹdest da räʹjje eʹtǩǩõõzz mäddvuuʹd vaaldšem serddmõõžžâst. Äʹšš ouddan Meäʹcchalltõõzz pääiʹǩ mädd- da meäʹcctäällministeriaaʹje, kååʹtt tuʹmmai mäddvuuʹd serddmõõžžâst sääʹmlääʹjj meâldlaž âânnmõʹšše. Tän mâŋŋa räʹjje mäddkaaupšummšest tuʹmmstõõǥǥ. Vaʹrrjõõđ kuuʹǩǩab ǩiõttʼtõõllâmäigga näkam vueʹjjest.

Vuäitak ooccâd põrttraajjâmlååʹv mäddkaaupšemtuʹmmstõõǥǥ vuâđast. Mäddkaaupšemtuʹmmstõk lij viõǥǥâst kolmm eeʹjj da tuʹmmstõk kåmman, jõs jiõk leäkku raajjâm mäddkaaupid da alttääm põrttraajjmõõžž mieʹrrääiʹjest. Vuâllaǩeeʹrjtep kauppǩeeʹrjid mäddkaaupšemtuʹmmstõõǥǥ mâŋŋa, ǥu lij ainsmõõvvâm, što plaaneemad põrttraajjmõš teâuddai. Jõs ooʒʒak põrttraajjmõʹšše valdialääin, vuâllaǩeeʹrjtep veäʹlǧǧǩeeʹrjid seämma poodd.

 

Suåvtõõllâm meärrõõzz

Lââʹssteâđ
  • äʹrttelšurr Inka Ahonen, Lappi ELY-kõõskõs, teʹl. 0295 037 096, neʹttpååʹšt: ouddnõmm.sooǥǥnõ[email protected]
  • mäddtäällpiisar Minna Pulju (Aanar kåʹdd, mäddvuʹvddtåimm), teʹl. 040 357 6077, neʹttpääʹšt: ouddnõmm.sooǥǥnõ[email protected]