GUOLLEBIVDU DEANUS

 

Deanu oalgečáziid guolástannjuolggadus geassái 2024

 

Stáhtaráđđi dohkkehii duorastaga 20.6.2024 stáhtaráđi ásahusa, mii guoská Deanu oalgečáziid. Ásahus dievasmahttá Deanu čázádaga eará guolástanmearrádusaid nohkavaš jahkái 2024. Ásahus lea boahtán fápmui geassemánu 20. beaivvi.

Deanu oalgečázádagas lobálaš guolástusas leat maid dán gease váldun eará guollešlájat go luosa guolástus, daningo ollisvuohtan Deanu čázádaga luossadilli lea ain hui heittot. Diimmážii veardidettiin mearkkašahttimus nuppástus ásahusas lea dat, ahte lobálaš luossabivdu lea hui ráddjejuvvon Ohcejoga čázádaga luossagoargŋunviidodagas ja Veahčajogas, gos luossanáliid dilli lea leamaš veaháš buoret go eará oalgečázádagain.

Ohcejogas ja Veahčajogas oažžu bivdit luosa guovtti jándora áigge suoidnemánu 1. beaivvi rájes gitta suoidnemánu 3. beaivvi rádjái vuossárggas gaskavahkkui diibmu 19. Sálašin oažžu váldit oktiibuot ovtta 30 cm - 65 cm luosa guolásteaddji guovdu. 

Stuorát luosat galget luitojuvvot ruovttoluotta johkii várrugasat, daningo dat leat dehálaš gođđoguolit luossanáliid ealáskeami dáfus. Rádjejohkaguovllus, Deanu váldooalis ja Anárjogas luossabivdu ii leat lobálaš eará go ovttaskasdáhpáhusain EJB-guovddáža mieđihan spiehkastatlobiiguin Deanu sámi guolástankultuvrra bajásdoallamii.

Muđui ásahusa njuolggadusat eai nuppástuva mearkkašahtti láhkái ovddit jagi ektui ja guolástanmearrádusat leat hui guhkás seammát go Deanu váldooalis.

Luondduriggodatguovddáš čuovvu maid dán geasi luossanáliid dili máŋgga sierra láhkái Deanu čázádagas. Luosa goargŋunmeriid Deanu vuolleoasis Buolbmágis sáhttá čuovvut Luondduriggodatguovddáža siidduin. Goargŋunmearit álgobajis leat leamaš ovddit jagiid láhkái viehka vuollegaččat, dahjege luossanáliid heittot dilli orru joatkašuvvamin. Guolásteddjiin sávvojuvvo danin ovddasvástáduslašvuohta iežaset guollebivddus.  

Jagi 2024 oalgečáhceásahus seađusčoakkáldagas (PDF 198kB 378/2024)

Goargŋunluossačuovvun