GUOLLEBIVDU DEANUS

Deanus fitnet jahkásaččat sullii 9 000 guolástusturistta. Deanuleagi guolástusturistta oaggunáigi lea gaskamearálaččat njeallje jándora. Guolástusbaji áigge ostojuvvon sullii 32 000 guolástusjándoris leat jahkásaččat vehá badjel bealli fanaslobit. Deanus goddojuvvon luossasálaš leamaš lean oktiibuot gaskamearálaččat 130 tonna.

Deanu guolástanbiire viidodagas lea fámus jagi 1989 Suoma ja Norgga gaskasaš Deanu guolástanbiire oktasaš guolástannjuolggadusas dahkkojuvvon soahpamuš ja dasa gullevaš guolástannjuolggadus (Soahpamušráidu 94/1989), maid muhtun mearrádusat leat dohkkehuvvon lágain (1197/1989). Guolástusáššiin ovddasvástideaddji virgeoapmahaččat leat Lappi EJB-guovddáš ja Finnmárkku Fylkkamánni. Oassebealit sohpet jahkásaččat omd olgobáikegottálaččaid guolástusáiggiin, ráfáidahttinguovlluin ja guolástanlobiid hattiin.

Fanasregisttar

Čáhcefievroregisttar lea sirdašuvvan magistráhtas Trafii 1.8.2014. Dušše báikegottálačča  bivdolohpái vuoigadahtton olmmoš sáhttá fidnet fatnasiid registarii Deanu guollebivddu várás. Nuppi olbmo oamastan fatnasiid ii sáhte registreret iežas nammii. Galbbat leat fanasčuohccevaččat, juos fanas váldo eret anus, de das berre dahkat nuvttá jávkadanalmmuhusa. Ja go ostojuvvo ođđa fanas, de dat registrerejuvvo vuosttasregistreremin, ja dalle fanas oažžu ođđa dovddaldaga. Deanu fatnasat regitrerejuvvojit Lappi EJB-guovddáža báikkálaš lobiid vuovdinsajis Ohcejogas, čujuhusas Nuorgamintie 7.

Lassedieđut fatnasiid regitreremis Trafi siidduin:

Ále njoammut luossaparasihta!

Davvi-Sámi čázádagaide buktojuvvon fatnasat, kanohtat ja buot eará guolástanneavvut ja – biergasat galget leat áibbas goiká dahje desinfiserejuvvon ovdal daid geavaheami (EMM:a ásahus 1376/2004). Desinfiserenbáikkiid galgá álo geavahit, jus lea unnánašge eahpádus fatnasiid dahje biergasiid, ovdamearkan gállinbuvssaid dahje hoavaid buhtisvuođas.

Gyrodactylus salaris lea sullii 0,5 mm guhkkosaš luosa liikki alde ealli parasihta, man ii sáhte áicat čalmmiiguin. Parasihta dihtto dábálaččat jogain, mat golget Nuortamerrii. Doppe dan eai leat gávnnahan dahkat luossaveajehiid jámu. Jogaid, mat golget Atlántii, luossanáliin ii leat vuostálastinnákca parasihta lassáneami vuostá. Parasihta lea dahkan luosa johkaveajehiid jámu measta 40 jogas Norggas. Dárkilut dieđut parasihtas ja dan dustemis leat Tenoinfo–brošyras ja Biebmodávvirdorvvolašvuođadoaimmahaga (Evira) siidduin.

Deanu lohpevuovdinsajit, main juohkehaččas lea desinfierenvejolašvuohta:

  • Arvi  Torikka, Áŋŋel
  • Kalastajan Majatalo, Gáregasnjárga
  • Juha Lohi, Seitala  
  • Tenon Tunturituvat ky, Dánsejohka
  • Tenon Kalastus- ja Eräpalvelu, Badjegeavŋŋis
  • Lomakylä Valle, Ohcejohka
  • Uulan Säästö, Ohcejohka
  • Tenon Lohituvat, Niemelä
  • Pub Restaurant Rastigaisa, Ohcejohka
  • Vetsituvat, Veahčat
  • Vetsikon leirintämökit, Veahčat
  • Tenon Lohiranta, Niittyranta
  • Tenon luonnontuote / Tenon lohikellari, Boratbokcá
  • Nuorgamin Lomakeskus, Njuorggán

Lassidiehtu Deanu guollebivddus lea Tenoinfo-brošyras, man sáhttá luđet olgeš bálsttá liŋkkaid bokte. Brošyras lea muitaluvvon earret eará

  • guollebivdonjuoggadusain
  • guollebivdolobiin ja -hattiin
  • luossasállašiin