Uutiset

Alueellista tietoa

Uutiset 2022

Natura 2000 -fierpmádaga eanadatkártemat dahkkojuvvojit Lappis geasset 2022 (Lappi)

Natura 2000 -fierpmádaga dieđut dárkkistuvvojit ja dievasmahttojuvvojit eanadatkártemiiguin geasset 2022. Dál álgi ovccát beaivádanháve viggá dorvvastit vuovdeluonddu máŋggahámatvuođa. Lassin kártejit hárvenaš divrešlája, Lycaena helle (suom. luhtakultasiipi), dihttoma ja vigget buoridit šlája suodjaleami dili.

Lappi EJB-guovddáš bargá ovttasbarggus Meahciráđđehusa Luonddubálvalusaiguin geasi ja čavčča 2022 áigge dál leahkki Natura-guovlluid luonddutiipakártemiid ja Lycaena helle eanadatkártemiid. Kártemat leat álggahuvvon Lappi guovllus geassemánu álggus. Luonddutiipakártemiin dieđihuvvo ovddalgihtii reivviin daidda priváhtta eananoamasteaddjiide, geaid eananguovlluin eanadatkártemat dahkkojuvvojit dán geasi.

Natura-fierpmádat dorvvasta luonddu máŋggahámatvuođa

Eurohpá uniovdna viggá bissehit luonddu geaffuma guovllustis. Natura 2000 -fierpmádat, mii dorvvasta luonddudirektiivvas meroštallon luonddutiippaid ja šlájaid eallinbirrasiid sihke loddedirektiivvas oaivvilduvvon loddešlájaid eallinbirrasiid, lea okta dehálamos vugiin juksat dan mihtu.

Natura 2000 -fierpmádahkii gullet Nannán-Suomas 1779 guovllu. Dál álgán ovccát beaividanháve sessojuvvojit sullii 210 Natura-guovllu Suomas. Luonddutiippaid oasil eanadatkártemat čuhcet Natura-guovlluide, main suodjalanággan leat vuovdás luonddutiippat, dego boreála luondduviđá vuovddit, vuovdás jeakkit, boreála rođut, dulvevuovddit ja vuovderođut. Kárten láhkái guovllut leat válljejuvvon dain Natura-guovllu osiin, main dálá geavadagat eai dorvvas vuovdás luonddutiippaid doarvái. Lappi EJB-guovddáža guovllus leat oktiibuot 19 seassama čuozáhahkan leahkki Natura-guovllu.  

Lycaena helle dihtto dušše báikkuid Lappi guovllus, ja šládja lea geahppánan oalle olu maŋimuš logijagiid áigge. Vuosttaš muttus Lappis kártejit 18 dovddus Lycaena helle dihttonguovllu Máttaoarji-Lappis ja Roavvenjárggas. Oassi dain guovlluin leat Natura-guovlluin.

Kártemiin čogget dieđuid vuovdás luonddutiippain ja Lycaena helles

Luonddutiipakártemiiguin vigget čielggasmahttit ja dovdát Naturai gullevaš vuovdeluonddutiippaid dárkilis sajiid ja ovddasteami, sihke daid vejolaš suodjaleami dárbbu. Guovlluin, main vuovdegeavaheapmi áitá bidjat Natura-guovllus leahkki vuovdás luonddutiippa vára vuollái, sáhttá leat dárbbu suodjaleapmái. Suodjaleapmi ollašuhttojuvvo dárbbu mielde vuođđudemiin Natura-guovlluid sisa luonddusuodjalanguovlluid dahje nuppástuhttimiin juo leahkki suodjalanguovlluid suodjalanmearrádusaid. Natura-guovlluid rájit eai nuppástuhttojuvvo vuovdás luonddutiippaide guoski Natura-guovlluid beaivádeamis.

Váldooassi Lycaena helle dovddus dihttonguovlluin leat geainnuid guoras. Juos kártemiin fuomášit mearkkašahtti dihttomiid luondduviđá dahje dan lágan eallinbirrasiin dego čáhcejekkiin dahje vuollegaššattot gittiin, seassat vejolašvuođa dievasmahttit Natura 2000 -fierpmádaga Lycaena helle eallinbirrasiid suodjaleami dihtii. Dát sáhttá mearkkašit šlája lasiheami juo leahkki Natura-guovllu suodjalanággan, Natura-guovllu viiddideami dahje áibbas ođđa Natura-guovllu vuođđudeami Lycaena helle suodjaleami várás.

Lappi EJB-guovddáš váldá kártemiid maŋŋá oktavuođa eananoamasteaddjiiguin ja ráđđádallá dárbbu mielde suodjaleami ollašuhttimis ja buhtadusain priváhtta eananoamasteaddjiiguin.

Fierpmádaga dieđuid dievasmahttin ja dárkkisteapmi válmmaštallojit Suoma birasguovddážis, ealáhus-, johtolat- ja birasguovddážiin ja Meahciráđđehusas. Barggu jođiha birasministeriija. Dievasmahttin- ja dárkkálmahttinevttohusain gullat áššeoasálaččaid ja čanusjoavkkuid jagi 2023 álgobealde. Mihttun lea, ahte stáhtaráđi mearrádus dievasmahttimiin ja dárkkistemiin dahkkošii loahppajagi 2023.

 

Naturaguovllut , main Lappi EJB guovddáš ja Meahciráđđehus dahket Natura fierpmádatbeaivádeami eanadatkártemiid geasset 2022 (pdf)

 

Lassedieđut

Riikka Juutinen, bajit dárkkisteaddji, Lappi EJB-guovddáš (vuovdeluonddutiippat), tel. 0295 037 010
Merja Lipponen, bajit dárkkisteaddji, Lappi EJB-guovddáš (Lycaena helle), tel. 0295 037 427
Jari Pasanen, ovttadaga hoavda, Lappi EJB-guovddáš, tel. 0295 037 476
 

Šleađgapoastačujuhusat leat hámis ovdanamma.sohkanamma@ely-keskus.fi