JOHTOLAT

EJB-guovddážiide gullet čuovvovaš barggut:

Geainnuid bajásdoallan

Bajásdoallamiin dorvvastuvvo ovdasajis dat, ahte geainnut leat juohke beaivve johtalanortnegis ja seammás gáibádus das, ahte geainnudi mielde sáhttá johtit dorvvolaččat. EJB-guovddážat bajásdollet 78 000 km geaidnofierpmádaga ja dasa gullevaš rusttegiid, bussebisánansajiid ja geaidnočuovggaid. Geainnuid bajásdoallan diŋgojuvvo rabas márkaniin doaibmi firpmáin.

Geainnuid dálvebajásdoallama dehálamos barggut leat ploven, coavcci bisuheapmi ja geaidnobajoža dássen.

Geasi áigge bajásdoallamii gullet ee. geaidnobajildusas fuolaheapmi, čievrageainnuid ja šalddiid ortnegis doallan ja johtolatbirrasa dikšun.

Geaidnofidnut

eainnuid dássema ja huksema ulbmilin lea ovddidit johtaleami ja fievrrideami vejolašvuođaid ja lasihit johtolatdorvvolašvuođa ja johtalanbirrasa loaktáivuođa. Geaidnoráhkadanfidnuin huksejuvvojit johtolatgeainnuid lassin ee. šalddit, tunnelat, geaidnolaktagat, johtolaga oahpistanrusttegat ja geaidnočuovggat. Geaidnobajásdoallamiin váldo álo vuhtii biras. Šlámahehtten ja vuođđočázi suddjen ollašuhtto temáfidnuin dahje stuorát fidnuid oktavuođas.

EBI-guovddážat diŋgojit geaidnoplánema ja ráhkadeami dán suorggi firpmáin.

Johtolatvuogádatbarggut

Johtolatvuogádahkii gullet sierra johtinvugiid jođáhagat ja daidda gullevaš ráhkadusat ja olmmošjohtolat ja gálvojohtolat. EJB-guovddážat leat aktiivvalaččat mielde guovlluset johtolatvuogádaga ovddideamis ovttas ee. eanagottiid lihtuiguin, gielddaiguin ja Johtolatdoaimmahagain.

Johtolatvuogádaga plánaid dahkan lea dehálaš oassi johtolatvuogádatbarggus. EJB-guovddážat plánejit ovttas eará doaibmiiguin, mo johtolatvuogádaga galggašii ovddidit ja mo čoavdit johtolatvuogádaga boahtte áigge hástalusaid. Johtolatvuogádatplánas čielggaduvvo johtolatvuogádaga dálá dilli ja meroštallojit boahtte áiggi johtolatfierpmádagat ja daid ovddidandoaimmat riikkadási ja guovlludási ulbmiliid vuođul.

Joavkojohtolat

EJB-guovddážat fuolahit oasisttis das, ahte joavkojohtolatbálvalusat leat  fidnemis ja das, ahte  joavkojohtolaga bures ja njuovžilit doaibmama eavttut ollašuvvet. EJB-guovddážat fuolahit geaidnojoavkojohtolahkii guoski skáhppon-, lohpehálddahus-, plánen- ja ruhtadanbargguin.

EJB-guovddáža doaibmaváldái gullevaš johtolat vuođđuduvvá joavkojohtolatlága johtolatsoahpamušaide, maid dievasmahttá oastosoahpamušain ja geavahanriektesoahpamušain skáhppojuvvon johtolat. Soahpamušjohtolaga lassin EJB-guovddážat sáhttet mieđihit márkanevttolaš johtolahkii ruvtto- ja diŋgonjoavkojohtolatlobiid. EJB-guovddážat ovddidit joavkojohtolatmátkkošteami maid nu ahte dat ruhtadit gávpot-, guovlo- ja bargomátkebilehtaid ja juolludit doarjaga gielddaid báikkálaš- ja bálvalanjohtolahkii ja joavkojohtolaga ovddidanfidnuide.

EJB-guovddážat gárvvista fysalaš vejolašvuođaid joavkojohtolaga doaibmivuhtii ja njuovžilvuhtii.  Dát leat bussebisánansajit ja guovddit oktan buot rusttegiin, lavttaguovllut, joavkojohtolatgurggástagat ja čuovgaovddut ja dáid fuolahus ja bajásdoallan. Joavkojohtolaga dárbbut váldojit vuhtii buot johtolatplánain.

Suologuovllu johtolat

Ođđa evttohuvvon teaksta: Geaidnofearggaid ja oktavuođafanasjohtolaga dikšun lea riikkadásis čohkkejuvvon Fásta-Suoma EJB-guovddážii. Dat vástida 41 feargabáikkis, main eanáš lea Turku suologuovllus ja Nuorta-Suoma jávreguovlluin ja dat fuolaha johtolatoktavuođain 12 oktavuođafanasruvttuin. Lassin Fásta-Suoma EJB-guovddáš veahkeha privahta feargaoktavuođaid ja oktavuođafanasjohtolaga Sipoo ja Raasepori suologuovlluin ja Saaristo rengasgeainnus.

Johtolatdorvvolašvuohta

EJB-guovddážat ovddidit johtolatdorvvolašvuođa geaidnofuolahusdoaimma ja ovttasbargguin ee. Johtolatdorvvuin, polesiin ja gielddaiguin. Johtolatdorvvolašvuođas vástidit nu johtolaga ovddideaddjit go geainnu geavaheaddjiide.

Johtolatbiras dahkko buorebun ja leaktoráddjenvuogádat doalahuvvo ja ná geahččalit geahpidit riskka johtolatbártái gártamis ja láivudit lihkuhisvuođaid čuovvumušaid. EJB-guovddážat buoridit johtolatbirrasa ovdamearkka dihte gaskadorjjohagaid ja geahppa johtolaga jođáhagaid huksemiin.  Geaidnojohtolaga dorvvolašvuođa višuvnna mielde giige ii dárbbaš jápmit dahje lápmašuvvat johtolgas. EJB-guovddážiid okta dehalamos ulbmiliin lea johtolatdorvvolašvuođa buorideapmi.

Johtolaga lohpe-áššit

EJB-guovddážat stivrejit geainnu alde ja dan lahkosiin doaibmiid lohpemearrádusaiguin ja soahpamušaiguin ja addet cealkámušaid. EJB-guovddážat mieđihit maid fievrrideapmái guoskevaš lobiid ja doarjagiid privahta geainnuid várás. Geainnu geavaheaddji sáhttá maid buhtadusdoarjaga dáhpáhuvvan johtolatvahágis, man sivvan leamaš váilevaš geainnu bajásdoallan.

EJB-guovddáš mieđiha lobiid máŋgga ulbmilii, ovdamearkka dihte privahta geainnu laktin váldogeidnui, geaidnoguovllu bargguide, geaidnoguora reklámaide, oahpistangalbbaide, geainnu gaskaboddosaš giddemii ja takse- ja joavkojohtolatlobiide.

Johtolaga hálddašeapmi

Johtolaga hálddašeami bargguid ulbmilin lea buoridit johtolaga dorvvolašvuođa ja njuovžilvuođa, geahpedit johtolaga luoittuid ja ávkkástallat geaidnofierpmádaga beaktileabbot. Johtolaga hálddašeami vugiiguin váikkuhuvvo johtalanvuogi, ruvtto dahje mátkki ja sáhtošteami áiggi válljemii.

Johtolaga hálddašeami eaktun lea luohtehatti, áiggedási johtolatvuogádaga dillegovvádus, mii lea vejolaš diehto- ja kommunikašuvdnateknihka vehkiin dahjege johtolattelematihká vehkiin.

Johtolaga diehtojuohkimiin fállojuvvo áiggedási diehtu geainnu alde johttiide sihke ovdal mátkki ja mátkki áigge ee. siivvu birra, johtolagas ja johtolaga hehttehusain. Johtolat stivrejuvvo giddes johtolatmearkkaiguin ja molsašuddi johtolat stivremiin johtolatmearkkaiguin, oahpistangalbbaiguin ja johtoaltčuovggaiguin. Hehttehusa hálddašeapmi lea johtolaga hehttehusdiliid áican ja fuolahus, mii dahkko eiseváldiid ovttasbargguin.

Joavkojohtolaga bálvalandássi Joukkoliikenteen palvelutaso

EJB-guovddážat leat geatnegahtton meroštallat doaibmaguvolluset joavkojohtolaga bálvalandási (Joavkojohtolatlága 14 § 1 momenta)

Bálvalandássi meroštallo ovttas gielddaiguin ja eanagottiid lihtuiguin. Bálvalusdássi lea fámus dihto áiggi.

Joavkojohtolaga bálvalandási meroštallamat leat vuođđun go mearriduvvo joavkojohtolaga ordnenvugiid birra. Meroštallamat leat mielde maid dalle go gieđahallojit ruvttojohtolaga lohpeohcamušat.

Johtolaga áššehasbálvalus

Johtolaga áššehasbálvalusguovddáš lea riikkadási ovttádat. Guovddážis fidne rávvagiid johtolatáššiin ja dat vuostáiváldá máhcahusa.

  • Johtolaga áššehašbálvalanguovddáš telefon 0206 90300, liikenteen.asiakaspalvelu(at)ely-keskus.fi
  • Geaidnogeavaheaddji linjá telefon 0200 2100
    - almmuhusat geainnuid ortnegis ja johtolatváttisvuođain  24 diimmu/jándor

Päivitetty: 09.10.2020