GUOLLEBIVDU DEANUS

Deanu guollebivdu spiehkkasa dábálaččas boahtte bivdobajis. Atlántta luosa nálli lea oalle fuotni, ja dan bivdu lea gildojuvvon. Dan sadjái vuordit ruoššaluosa goargŋut Detnui, muhto dan meari lea váttis einnoštit. Buohkaid dán jagáš deatnobivdiid lea buorre dovdat ruoššaluosa ja diehtit, mo dainna galgá rassat.

Deanus sáhttá bivdit ovdamearkka dihte soavvila, čuovžža, guvžžá ja hávgga. Atlántta luosa bivdu lea ollásit gildojuvvon dán jagi, daningo luossanálli lea heajos dilis ja dan berre suodjalit. Sállašin báhcán luosaid galgá luoitit luovus, ja juos dat bohtet máŋggat, de bivddu ferte heaitit ja lonuhit eará bivdosadjái. Atlántta luosa váldima ráŋggáštus lea 3 480 euro.

Ruoššaluosa sáhttá bivdit dakkár lobiin, mii lea guolástanmearrádusain oaivvilduvvon eará guollebivdui. Seammá guoská maid bivdobiergasiid ja bivdoáigodaga. Juos ruoššaluosa boahtá sállašin, dan galgá goddit bivdonjuolggadusa mearrádusaid mielde. Dihtoearri ii leat mearriduvvon ruoššaluosaid várás. Dábálaš, guolástannjuolggadusain oaivvilduvvon bivddus ii dárbbaš dahkat almmuhusa ELY-guovddážii. 

Ruoššaluosa eretbivdima fitnuin galgá almmuhit ELY-guovddážii

Dábálaš bivddu lassin dán jagi ruoššaluosa viiddit bivdu lea vejolaš dan bivddu várás plánejuvvon bivdofitnuin. Bivdofitnu galgá ákkastallat, das galgá bivdit namalassii ruoššaluosa ja das galgá garvit buot vejolaš vugiiguin Atlántta luosa gártama siidosállašin.

Ruoššaluosa galgá bivdit rivttes áigge rivttes sajis, ja lea dehálaš geavahit bivdobiergasiid, main lea álki luoitit luovus vahágis boahtán siidosállaša. Ovdamearkka dihte golgadat coages sajis lea dán várás buorre vuohki. Bivdofitnu galgá ollašuhttit dalle, go ruoššaluossa ohcala gođđosajiide. Ovddit jagiid ruoššaluossa lea goargŋugoahtán Detnui mihcamáraid maŋŋá ja dat lea gávdnon Deanus čakčamánu álgogeaži rádjai.

Bivdofitnus galgá almmuhit Lappi ealáhus-, johtolat ja birasguovddážii maŋimuštá geassemánu 19. beaivvi rádjái. Almmuhus dahkkojuvvo ELY-guovddáža skoviin. Bivdofitnu almmuheami lassin fitnu ollašuhttis galgá leat guolástanvuoigatvuohta guvlui ja guolástanlohpi, mii vuoigadahttá gažaldatvuloš bivdovugiid geavaheapmái.

Bivdofitnus ovddasvástideaddji galgá maiddái fuolahit das, ahte goddojuvvon sálaš áššáigullevaččat juo váldojuvvo biebmun daikke duššaduvvo nu, ahte dat ii hehtte moge.

Ále njoammut luossaparasihta!

Deanu lohpevuovdinsajit, main juohkehaččas lea desinfierenvejolašvuohta:

  • Tenon Tunturituvat ky, Tanssijoki
  • Lomakylä Valle, Utsjoki
  • Uulan Säästö, Utsjoki
  • Tenon Lohituvat, Niemelä
  • Pub Restaurant Rastigaisa, Utsjoki
  • Vetsituvat, Vetsikko
  • Vetsikon leirintämökit, Vetsikko
  • Tenon Lohiranta, Niittyranta
  • Nuorgamin Lomakeskus, Nuorgam

 

Päivitetty: 26.06.2023