OPPALAČČAT

Ealáhusaid ja barggolášvuođa ovddideapmi ja máhttin- ja skuvlendárbbuid ennakointi

Doaibmanbirrasa rievdadusaid analyseren ja boahttevuođa diliid árvádallan laktasit nannosit EJB-guovddážiid ja eanagottiid lihtuid strategiijaid ja boađusplánema válmmaštallamii. EJB-guovddážat čogget dieđuid guovllu ealáhusaid, birrasa, barggolašvuođa ja infrastruktuvrra dilis ja einnoštit boahttevaš ovdáneami. Doaimma ulbmilin lea doarjut guovllu mearrádusdahkama nu ahte diehtovuođđu mii lea mearrádusaid duogážin, dahkko buoribun.

Guovllu gilvalannákca beavttalmahttojuvvo skuvlendárbbuid einnoštemiin. EJB-guovddážiin lea vástu rávesolbmuid skuvlendárbbuid einnošteamis ja dat leat mielde eanagotti lihtuid jođihan skuvlendárbbuid guhkit áiggi einnoštanbarggus.  Ulbmilin lea juksat dili mas guovllu skuvlendárbu vástida skuvlenjearu. Einnoštanbarggu prinsihpaide gullá dat, ahte einnoštandiehtu sirdojuvvo ja bohtosiid birra dieđihuvvo.

Ráhkadusruhtaráju barggut

Eurohpá uniovnna guovlo- ja ráhkaduspolitihkain balanserejuvvojit lahttoriikkaid guovlolaš erohusat ja láivudahttojit daid ráhkadusváttisvuođat. Guovlo- ja ráhkaduspolitihkka vuođđuduvvá doarjagii, man EUa ruhtarájut juolluda ja dasa laktasa álo maid našuvnnalaš ruhtadeapmi.

EJB-guovddážat leat dehálaš EU-ruhtadeami juolludeaddjit ja guovlluid ovddideaddjit. EUa ráhkadusruhtarájut juolludit lassedoarjaga doibmii, mii lasiha suopmelaš máhtolašvuođa, barggolašvuođa ja gilvalannávcca. Ulbmilin lea maid ovddidit olbmuid ja guovlluid ovttaveardásaš vejolašvuođaid ja eastadit rihppaseami.

EJB-guovddážat juolludit doarjagiid čuovvovaš ruhtarájuin:    

• Eurohpa guovloovddidanfoanda
• Eurohpa sosialfoanda
• Eurohpa dálonguovllofoanda   
• Eurohpa guollefoanda.

Loga eambbo:

• Ráhkadusruhtarájut: http://www.rakennerahastot.fi/